כולל קידוש השם איז געגרינדעט געווארן גלייך נאכען קריג אין שטאט לאנדסבערג – ווי א גרויס חלק משארית הפליטה האבען זיך געפונען אין יענע צייט – דורך הרב החסיד ר’ חיים נחום מערמעלשטיין ע”ה וואס האט געדינט דעם צוועק אז עס זאל נישט פארלוירן ווערן די נעמען און זכרון פון די טייערע נשמות וואס זענען ארויף אזוי טראגיש על מוקדה, אן איבערלאזען עפעס א זכר לעילו נשמתם

ער האט צאמגעשטעלט א גרויסע ליסטע נעמען, וואס איז געוואקסען מידי יום ביומו, און די מטרה פון דעם כולל איז געוועהן געאייגענט נאר פאר דעם צוועק,  צו לערנען  משניות לע”נ די קדושים וטהורים

דער כולל האט באקומען הסכמות פון פילע גדולי הדור פון יענע צייט, ווי למשל פון הרה”ק ר’ אהרן מ’בעלזא זצוק”ל, מהרייץ פון ליובאוויטש און נאך, ווי אלע זענען נתפעל געווארען פון דעם געדאנק, און שטארק געשטיצט דעם גאנצן סיסטעם

כולל קידוש השם איז יעצט ווידער געגרינדעט געווארן צו געדענקען די מיליאנען נשמות, אין די צייט וואס די מלחמה הייבט אן ביי אונז צו ווערן טייל פון היסטאריע. א כולל ווי מען לערנען משניות יעדן טאג לעילוי נשמתם די קדושים וטהורים, ווי יעדע משפחה קען איישרייבן די נשמות פון זייערע זיידע’ס, פעטער’ס און מומע’ס קאזינ’ס, רבי’ס און באקאנטע וואס האבן נישט זוכה געווען איבערצולאזן דורות בעולם הזה, ס’איז צייט צו טון לטובת נשמתם

יזכור אהבתם…. שלא תאבד שארית יעקב